H.Əliyev Mərkəzi

ASTARA RAYONU İCRA HAKİMİYYƏTİNİN BAŞÇISI

ASTARA RAYONU İCRA HAKİMİYYƏTİNİN BAŞÇISI

AĞAYEV QƏZƏNFƏR ARİF OĞLU

2 noyabr 1961-ci ildə  Naxçıvan şəhərində ziyalı ailəsində Anadan olub. 

1990-ci ildə Azərbaycan Texnologiya İnstitutunu, 2002-ci ildə Azərbaycan İqtisad Universitetini bitirib. 

Əmək fəaliyyətinə 1980-cı ildə başlayıb.

 

1983-1986-cı illərdə Naxçıvan şəhərində Tikinti trestində, 1987-1990-cı illərdə Naxçıvan Şərab Emalı Zavodunda müxtəlif vəzifələrdə, 1994-cü ildən Bakı şəhərində "Xal-xal" kommersiya şirkətinin direktoru vəzifəsində işləyib.

2000-2005-ci illərdə Vergilər Nazirliyi sistemində işləyən Q.Ağayev 2005-2006-cı illərdə Yardımlı rayon İcra hakimiyyəti başçısının Sosial-iqtisadi məsələlər üzrə müavini, 24 mart 2006-ci ildən 29 sentyabr

2006-cı il tarixə kimi Yardımlı rayon İcra hakimiyyətinin başçısı, 2006-2012-ci illərdə Masallı rayon İcra hakimiyyətinin başçısı vəzifələrində çalışıb.

Azərbaycan Respublikası Prezidentinin 14 aprel 2012-ci il tarixli Sərəncamı ilə Astara rayon İcra hakimiyyətinin başçısı vəzifəsinə təyin olunub.

Ailəlidir, 2 övladı var.

ASTARA RAYONU

ASTARA RAYONU

Astara rayonu haqqında məlumat.

Astara rayonu Azərbaycan Respublikasının cənubunda yerləşir. Rayon cənubdan və qərbdən İran İslam Respublikası, şimaldan Lənkəran rayonu, şərqdən Xəzər dənizi ilə həmsərhəddir. Astara royunu 8 avqust 1930-cu ildə təşkil edilmişdir. Rayonun ərazisində Təngərüd çayı, İranla dövlət sərhədi boyunca isə Astara çayı axır. Rayonun ərazisi 616 kv.km, əhalisi 100,2 min nəfərdir. Ərazinin 37188 hektarını meşələr təşkil edir. Iqlimi yayı quraq keçən mülayim istidir. Hündürlük artdıqca iqlim soyuqlaşır. Rayonun düzənlik və dağətəyi hissəsi respublikanın rütubətli (mülayim rütubətli) subtropik zonasına daxildir. Illik yağıntı 1200-1750 mm-dir. O, respublikanın ən çox yağıntılı ərazilərindəndir.

Rayonun mərkəzi Astara şəhəridir. Şəhər Bakı şəhərindən 313 km məsafədə yerləşməklə, Azərbaycan Respublikasının İranla dövlət sərhədində, Xəzər dənizinin sahilindədir. Əhalisi 20,0 min nəfərdir. Şəhərdə Heydər Əliyev Parkı, Heydər Əliyev Mərkəzi, Bayraq Meydanı, Gənclər evi, 7 orta məktəb, Pedoqoji Kollec, Uşaq Musiqi məktəbi, 4 uşaq bağçası, 2 Mədəniyyət evi, rayon Mərkəzi Kitabxanası, Çay fabriki, Neft və yük terminalları, Gömrük İdarəsi, Mərkəzi bazar, Dövlət Rəsm Qaleriyası, Tarix-diyarşünaslıq muzeyi, 6 şadlıq sarayı, 8 mehmanxana, Mərkəzi xəstəxana, iki XIX əsr və iki XX əsrə aid məscid. Qarabağ uğrunda döyüşlərdə şəhid olanların ``Xatirə kompleksi`` vardır. 2012-ci ilin mart ayında Olimpiya İdman Kompleksi və YAP rayon təşkilatı üçün inzibati binanın tikintisi başa çatdırılmış, açılışında Azərbaycan Respublikası Prezidenti cənab İlham Əliyev iştirak etmişdir.

Şəhərdə dəmiryolu, avtomobil vağzalları, rabitə və poçt müəssisələri, bank və digər sosial obyektlər fəaliyyət göstərir.

Rayonun iqtisadiyyatını əsasən sitrusçuluq, çayçılıq, tərəvəzçilik və çəltikсilik təşkil edir. Ayrı-ayrı təsərrüfatlarda heyvandarlıq, balıqçılıq və arıçılıq da inkşaf edir. Köhnə təsərrüfat formaları daıldıqdan sonra rayonda torpaq islahatı aparılmış, torpaqlar cayçılara verilmiş və yeni təsərrüfat qurumları yaradılmışdır. Hazırda rayonda ayrı-ayrı sahələr üzrə 68 kəndli (fermer) təsərrüfatı yaradılmış, bunlar da müxtəlif növ kənd təsərrüfatı məhsullarının istehsalı ilə məşğul olurlar.

Rayonda iki Çay fabriki, Çınqıl və asfalt zavodu, Beynəlxalq Qaz Kompressor Stansiyası, düyü və un dəyirmanları və başqa müəssisələr fəaliyyət göstərir.

Azərbaycanın torpaqlarının azadlığı uğrunda döyüşlərdə rayonumuzdan 76 nəfər şəhid, 41 nəfəri əlil olmuşdur.

Astaranın 3 Sovet İttifaqı Qəhrəmanı, 2 ``Şöhrət Ordeni``nin hər üç dərəcəsini almış Qəhrəman, 1 Sosialist Əməyi Qəhrəmanı, 1 Azərbaycanın Milli Qəhrəmanı, 9 Əməkdar Müəllimi, 1 Əməkdar Mədəniyyət işçisi, 2 Əməkdar Səhiyyə işçisi, 1 Əməkdar kənd təsərrüfatı işçisi, 5 Dövlət Qulluğunda fərqlənməyə görə medallı və 4 tərəqqi medalı vətəndaşı vardır.

Astara rayonunda 2 mətbu orqan- ``Astara`` qəzeti və ``Alov`` jurnalı fəaliyyət göstərir.Qəzet 1932-ci lidən nəşr olunur.

Astaranın qoruqları: Azərbaycan Respublikasının Prezidentinin 9 fevral 2004-cü il tarixli sərəncamı ilə yaradılmış “Hirkan Milli Parkı”nın 21,3 min hektar ərazisindən 18,3 min hektarı Astara rayonun ərazisindədir. Meşələrdə relikt şabalıdyarpaq palıd, dəmirağac, ipək akasiyası, azad, cökə, vələs, fındığ, qoz, qızılqoz və s bitir. 

Heyvanları: bəbir, vaşaq, ayı, meşə pişiyi, oxlu kirpi, daşlıq dələsi, porsuq, çaqqal, tülkü, canavar, çöl donuzu və s yaşayır.

Quşları: qırqovul, vaq, qaz, ördək, kəklik, göyərçin, çöl toyuğu və s vardır.

Mineral bulaqları: Ağ körpü, Sim, bi, Toradi, Şeyx Nəsurullah və başqaları məşhurdur. 

Çayları: rayonun ərazisindən Astara, Ərçivan və Pensər çayları axır.

Yolları: Astaranın ərazisində Astara və Qamışovka dəmiryolu stansiyası vardır. Bakı-Astara dəmir yolunun Astaraya aid olan hissəsi 19 km, avtomobil yolunun uzunluğu 31 km. olmaqla, respublika əhəmiyyətlidir.

Təhsil, mədəniyyət, səhiyyə: Astarada 63 ümumtəhsil məktəb, (45 orta, 9 əsas , 9 ibtidai) 5 məktəbdənkənar müəssisə və Pedoqoji Kollec fəaliyyət göstərir. Bundan əlavə 1 Mərkəzi Xəstəxana, 17 poliklinika, 4 sahə xəstəxanası, 11 həkim məntəqəsi, və 31 tibb məntəqəsi 57 kütləvi kitabxana, 53 klub müəssisəsi 1 Uşaq musiqi məktəbi əhaliyə xidmət göstərir.

Astara Heydər Əliyev Mərkəzi haqqında məlumat

 Astara rayon Azərbaycan küçəsində yerləşən orjinal memarlıq üslubunda tikilən Heydər Əliyev Mərkəzinin inşasına 2011-ci ildə başlanmış, həmin ilin aprelin 15-də Azərbaycan Respublikasının Prezidenti İlham Əliyevin Astara səfəri zamanı açılışı olmuşdur. Prezident Mərkəzin “Fəxri qonaqlar” kitabına ürək sözlərini yazmışdır.

Mərkəz 2008-ci ilin iyulundan 2012-ci ilin fevralına qədər H.Əliyev muzeyi kimi fəaliyyət göstərmişdir. Muzeylərin fəaliyyətinin genişlənməsi ilə əlaqədar olaraq Heydər Əliyev muzeyi 2012-ci ilin fevralından Mərkəz adlandırılır. Mərkəzin sahəsi 792 kv m -dir.

Ikimərtəbəli binanın girişində ulu öndərin büstü qoyulmuşdur. Mərkəzin birinci mərtəbəsində ümummilli Liderin mənalı həyatını və zəngin siyasi fəaliyyətinin müxtəlif dövrlərini əks etdirən fotoşəkillərin və məlumatların yer aldığı tablolar, monitor vardır. Mərkəzdə ümummilli lider Heydər Əliyevin fəaliyyətinə həsr olunan bölmələrdə ulu öndərin uşaqlıq və gənclik dövrlərini, 1969-1982-ci illərdə respublikamızın sosial-iqtisadi inkişafı ilə bağlı gördüyü işləri, 1993-cü ildə xalqımızın təkidli tələbi ilə yenidən hakimiyyətə qayıdışından sonra ölkəmizin ictimai-siyasi, sosial və mədəni həyatındakı quruculuq işlərini  əks etdirən 76 fotoşəkil, 35 sənəd   toplanmışdır. Qiymətli eksponatlar arasında ümummilli Liderin respublikamıza rəhbərlik etdiyi müxtəlif illərdə geniş ictimaiyyətin nümayəndələri əmək adamları ilə görüşlərini eks etdirən fotolar nümayiş olunur. Mərkəzdə Ulu Öndərin  Astaraya səfərləri zamanı görüşlərinə aid fotolar ayrıca guşədə yer alaraq mərkəzin ekspozisiyasını bəzəyir.

Ulu öndər Heydər Əliyev Astaraya rəsmən 11 dəfə səfər etmişdir. Astara rayonunun  inkişafının bütöv bir mərhələsi məhz ümummilli lider Heydər Əliyevin adı ilə bağlıdır. Ulu öndər Heydər Əliyevin yenidən ölkənin siyasi rəhbərliyinə qayıdışı, bütün respublikada olduğu kimi Astaranın inkişafında mühüm rol oynamışdır. Ümummilli liderin vətənimiz və xalqımız qarşısındakı xidmətlərini Astara rayonu ictimaiyyəti daim ehtiramla yad edir, onun xatirəsinin əbədiləşdirilməsi üçün tədbirlər görürlər. Məhz Heydər Əliyev mərkəzndəki fotoşəkillər ulu öndərin zəngin həyat yolunun səhifələrini vərəqləməyə, Azərbaycan tarixinin bütöv bir qərinəsinə nəzər salmağa imkan verir.

Heydər Əliyev mərkəzinin ikinci mərtəbəsində şahmat, təsviri sənət, dekorativ tətbiqi sənət studiyaları və elektron kitabxana fəaliyyət göstərir. Elektron kitabxanın fondunda 3500 kitab toplanmışdır. Burada 25 kompüter vasitəsi ilə oxucular Milli Kitabxananın elektron resursunda olan 11 min 416 elektron kiatbdan istifadə edə bilirlər. Elektron kataloqda isə 149 min 983 kitabın biblioqrafik göstərcisi üzrə axtarış aparmaq mümkündür. Burada həmçinin Prezident İlham Əliyevin 2004-cü ildə imzaladığı sərəncama əsasən latın qrafikalı əlifba ilə nəşr olunmuş 500-dək kitabın elektron versiyasından istifadə etmək mümkündür. Kitabxanada “ Avropa kitabxanaları” elektron kataloqdan 48 ölkənin toplu kataloqu vasitəsilə axtarış aparmaq mümkündür. Milli kitabxananın saytı vasitəsilə 21 xarici ölkə kitabxanaları ilə əlaqələr mövcüddur.

Dekorativ tətbiqi sənət studiyasında təşkil olumuş kurslarda miniatür xalçalar toxunur və rayonda keçirilən sərgilərdə nümayiş olunur. Bu studiyada gün ərzində 20-30 gənc bu qədim sənətə yiyələnmək üçün kurs keçirlər. Mərkəzdə fəaliyyət göstərən bu studiya Astarada xalçaçılıq sənətinin inkişafına xidmət edir.

Şahmat studiyasında  uşaqlar həm şahmat, həm də dama ilə məşğul olurlar. Burada məşğələlərlə yanaşı  ulu öndərin ad günü, Qurtuluş günü və sair bayramlar münasibətilə yarışlar, turnirlər keçirilir.

Gənclərin rəssamlıq ilə məşğul olmaları üçün mərkəzdə təsviri sənət studiyası da fəaliyyət göstərir. Gün ərzində 15-20 gənc təsviri sənətlə məşğul olur. Onların əl işləri, rəsm əsərləri mərkəzdə və rayonda keçirilən sərgi və tədbirlərdə nümayiş olunur. Heydər Əliyev Mərkəzi muzey kimi rəsmi fəaliyyətə başladığı gündən bu günə kimi mütəmadi olaraq rayon və kənd məktəblərinin, Pedaqoji Kollecin, Uşaq bağçalarının, İdarə və müəssisə təşkilatlarının cədvəl üzrə muzeyə ekspozisiyasını təşkil edir. Bundan başqa hər gün onlarla fərdi gəliş qeydə alınır ki, bu da rayon sakinlərinin və gələn qonaqların ulu öndərə olan sonsuz məhəbbətini təzahürüdür.

            2008-2012-ci il dövr ərzində mərkəzə Türkiyənin Azərbaycandakı səfiri H.Kılıc, Millət vəkili publisist Elmira Axundova, OMBODSMAN  E.Süleymanova, RespublikaYAP Qadınlar Şurasının sədri Nurlana xanım, Milli məclisin deputatları Hadı Rəcəbli, Aslan Cəfərov, xalq artistləri Canəli Əkbərov, Səkinə İsmayılova və başqaları qonaq olmuş, mərkəzin “ Fəxri qonaqlar” kitabına öz ürək sözlərini yazmışlar.     

            Astara Heydər Əliyev Mərkəzində 8 nəfər işçi çalışır:

Səmədova Kübra İbrahim qızı - direktor
Ali təhsilli - N.A.Voznezeski adına Leninqrad Maliyyə - İqtisad İnistutunun Bakı filialının sənaye mallarinin əmtəəşünaslığı və ticarətin təşkili fakultəsini bitirmişdir.

Kazımova Elza İsaməddin qızı - baş fond mühafizi
Ali təhsilli - Lənkəran Dövlət Universitetinin Tarix-ictimaiyyət fakultəsini bitirmişdir.

Məmmədova Aygün Məmmədağa qızı - baş elmi işçi
Ali təhsilli - Azərbaycan Dövlət Bədən Tərbiyəsi və İdman Akademiyasının Bədən tərbiyəsi və İdman fakultəsinin bitirmişdir.

Məmmədova Cəmalə Hafiz qızı - Mərkəzin bələdçisi
Orta ixtisas təhsilli - Astara Pedaqoji Kolleci. İptidai sinif müəllimi fakultəsini bitirmişdir.

Əhmədova Gülnar Fərhad qızı - Mərkəzin baxıcısı
Orta ixtisas - təhsilli. Astara Pedaqoji Kolleci. İptidai sinif müəllimi fakultəsini bitirmişdir.

Əliyeva Aygül Nəci qızı - texniki işçi
Orta təhsili.

Ağasiyev Faiq Fərman oğlu - texniki işçi
Orta təhsili.

Quliyeva Esmira Asəf qızı - texniki işçi.
Orta ixtisas təhsilli - Astara Pedaqoji Texnikumu. İptidai sinif müəllimi fakultəsini bitirmişdir.

Heydər Əliyevin Astaraya səfərlərinə dair materialların toplayıb bir araya gətrimək üçün 2008-ci ildən Mərkəzdə Astaranın ziyalılarından ibarət 45 nəfər üzvü olan         “ Tədqiqat” qrupu yaradılmışdır. Tədqiqat qrupunun və mərkəz əməkdaşlarının səyi nəticəsində  ulu öndərlə işləmiş, onun tərəfindən mükafatlandırılmış insanlardan 41 ədəd fotoşəkil, 69 sənəd  aktlaşdırılaraq muzeyin fonduna daxil edilmişdir. Tədqiqat qrupu həmçinin Azərbaycan Respublikasının prezidenti İlham Əliyevin həyat və fəaliyyətini, Astara rayonu ilə bağlı materialların toplanması işini də davam etdirir.  Tədqiqat qrupunun hər rüb Mərkəzdə iclası keçirilir, görülən işlər barədə məlumat verilir.

            Heydər Əliyev Mərkəzinin əməkdaşları Astaranın ictimai, iqtisadi, mədəni həyatına dair materialların toplanması işini də davam etdirirlər.

Heydər Əliyev Mərkəzinin əməkdaşları daim yeniyetmə və gənclərin vətənpərvərlik ruhunda tərbiyəsinə, ulu öndərin irsinin geniş təbliğinə daima çalışır və müxtəlif mövzularda, rəngarəng tədbirlər keçirirlər.

            Bu məqsədlə Heydər Əliyev Mərkəzində və məktəblərdə, Kollec və müəssisələrdə mütəmadı olaraq “ 20 yanvar”, “Xocalı faciəsi”, “31 mart Azərbaycanlıların soyqırımı”, Ulu Öndərin ad günü, “Qurtuluş günü”, “Respublika günü” ilə əlaqədar  mühazirələr oxunur, tarix dərsləri keçirilir sərgilər təşkil olunur. Peşə bayramları ilə əlaqədar mərkəzdə idarə və müəssisələr qarşısında söhbətlər aparılır.

            Mütəmadi olaraq Mərkəzə ulu öndərlə işləmiş, onun tərəfindən qiymətləndirilmiş insanlar dəvət olunur, onların gənc nəslin nümayəndələri ilə görüşləri təşkil olunur. Mərkəzdə tarixi və əlamətdar günlərə həsr olunmuş elmi-praktik konfranslar, yeniyetmə və gənclərimizi zərərli vərdişlərdən uzaqlaşdıran mövzularda disputlar təşkil olunur, “ Qadın isməti, qız ləyaqəti” mövzüsunda  rayonun ziyalı qadınları ilə gənclərin görüşləri təşkil olunur.

            Mərkəz gənc nəslin dünya görüşünün, bilik və bacarıqlarının artırılmasında, onların Heydər Əliyev ruhunda tərbiyəsində mühüm rol oynayır.