ULU ÖNDƏRİN ANADAN OLMASININ 89 İLLİYİ

07.05.2012 tarixində Astara Heydər Əliyev Mərkəzində ulu öndərin anadan olmasının 89 illiyi münüsibətilə "Azərbaycanın tərəqqisinə həsr edilən ömür" mövzusunda sərgi və konfrans keçirilmişdir. Konfransı giriş sözü ilə YAP Astara rayon təşkilatının sədri Natiq İbadov açdı. Ulu öndərin xatirəsi bir dəqiqəlik sükutla yad edildi. Mərkəzin direktoru Gülnarə Məcidova "Azərbaycanın tərəqqisinə həsr edilən ömür" mövzusunda məruzə etdi. Ulu öndərlə işləmiş, onun tərəfindən qiymətləndirilmiş zəhmət adamlarından Əminə Həsənova, Dilşad Hüseynova cıxış etdilər. 

Əməkdar müəllim Heybət Hüseynov, rayon ağsaqqallar şurasının sədri Hamlet Əliyev çıxış edərək ulu öndərlə bağlı xatirələrini söylədilər. Tədbirin sonunda məktəblilərin ifasında Heydər Əliyevə həsr olunmuş şerlər dinlənildi, sənədli filmə baxıldı.